Regulaj EsprimojEnhavo
Ĉi tiu Apendico enhavas mallongan sed espereble sufiĉan kaj kovrantan enkondukon al la mondo de regulaj esprimoj. Ĝi dokumentas regulajn esprimojn en la formo havebla ene de KatePart, kiu ne kongruas kun la regulaj esprimoj de perl, nek kun tiuj de ekzemple grep.
Regulaj Esprimoj provizas al ni manieron priskribi iujn eblajn enhavojn de teksta ĉeno en maniero komprenita de malgranda programaro, por ke ĝi povu esplori ĉu teksto kongruas, kaj ankaŭ en la kazo de altnivelaj aplikoj kun la rimedoj por konservi pecojn aŭ la kongruan tekston.
Ekzemplo: Diru, ke vi volas serĉi tekston por alineoj, kiuj komenciĝas per iu el la nomoj “Henrik” aŭ “Pernille” sekvata de iu formo de la verbo “diri”.
Kun normala serĉo, vi komencus serĉi la antaŭnomon, “Henrik” eble sekvata de “dir” tiel: Henrik dir, kaj dum serĉado por kongruoj, vi devus forĵeti tiujn, kiuj ne estas la komenco de alineo, same kiel tiujn, en kiuj la vorto komencanta per la literoj “dir” ne estis aŭ “diras”, “diris” aŭ tiel. Kaj poste kompreneble ripetu ĉion tion kun la sekva nomo...
Kun Regulaj Esprimoj, tiu tasko povus esti plenumita per ununura serĉo, kaj kun pli granda grado da precizeco.
Por atingi ĉi tion, Regulaj Esprimoj difinas regulojn por esprimi en detaloj ĝeneraligo de ĉeno kongrua. Nia ekzemplo, kiun ni laŭvorte esprimus tiel: “Linio komencanta per aŭ ‘Henrik’ aŭ ‘Pernille’ (eble sekvante ĝis 4 malplenajn aŭ tabulajn signojn) sekvata de Blanka spaco sekvata de ‘dir’ kaj tiam aŭ ‘as’ aŭ ‘is’” povus esti esprimita per la sekva regula esprimo:
^[ \t]{0,4}(Henrik|Pernille) dir(as|is)
La supra ekzemplo montras ĉiujn kvar ĉefajn konceptojn de modernaj Regulaj Esprimoj, nome:
Ŝablonoj
Asertoj
Kvantigiloj
Retroreferencoj
La kamero (^) komencanta la esprimon estas aserto, estante vera nur se la sekva kongrua ĉeno estas ĉe la komenco de linio.
La ĉenoj [ \t] kaj (Henrik|Pernille) dir(as|is) estas ŝablonoj. La unua estas signa klaso kiu kongruas aŭ kun malplena aŭ (horizontala) tabula signo; la alia ŝablono enhavas unue subŝablon kongruantan aŭ Henrik aŭ Pernille, poste pecon kongruantan kun la ĝusta ĉeno dir kaj fine subŝablono kongruanta aŭ as aŭ is
La ĉeno {0,4} estas kvantigilo diranta “ie ajn de 0 ĝis 4 el la antaŭa”.
Ĉar regulesprima programaro subtenanta la koncepton de retroreferencoj ŝparas la tutan kongruan parton de la ĉeno kaj ankaŭ sub-ŝablonojn enfermitajn inter krampoj, donitaj iujn rimedojn por aliro al tiuj referencoj, ni povus meti niajn manojn aŭ al la tuta kongruo (serĉante tekstdokumenton en redaktilo kun regula esprimo, kiu estas ofte markita kiel elektita) aŭ aŭ la trovita nomo, aŭ al la lasta parto de la verbo.
Tute kune, la esprimo kongruos kie ni volis ĝin, kaj nur tie.
La sekvaj sekcioj priskribos detale kiel konstrui kaj uzi ŝablonojn, signojn klasojn, asertojn, kvantigilojn kaj retroreferencojn, kaj la fina sekcio donos kelkajn utilajn ekzemplojn.