Permítelle acceder aos ficheiros que haxa noutro computador mediante o protocolo Secure SHell (SSH). O computador remoto precisa ter o servizo de SSH en execución, pero o resto do protocolo emprega ferramentas estándar da liña de ordes como se explica a continuación.

Pode utilizar o kioslave fish así: fish://servidor ou fish://nome_de_usuario@servidor.

Pode omitir o usuario (e a @ que o segue) se ten o mesmo nome de usuario nos dous computadores.

Pode engadir un contrasinal co seguinte formato: fish://nome_de_usuario:contrasinal@servidor pero non é preciso xa que se lle perguntará se non o indicou.

Se está a executar o servizo de SSH nun porto non estándar, pode especificar cal é empregando a sintaxe normal dos URL deste xeito: fish://servidor:porto.

Fish debe traballar con calquera computador remoto baseado en UNIX® e que sexa máis ou menos compatíbel con POSIX. Emprega as ordes de intérprete de ordes cat, chgrp, chmod, chown, cp, dd, env, expr, grep, ls, mkdir, mv, rm, rmdir, sed e wc. Fish inicia /bin/sh como intérprete de ordes e agarda que sexa un intérprete de ordes Bourne (ou compatíbel, como bash). Se as ordes sed e file están dispoñíbeis, así como o ficheiro /etc/apache/magic con sinaturas de tipos MIME, empregaranse para adiviñar os tipos MIME.

Se está dispoñíbel Perl na máquina remota, pode usarse no canto. Entón só precisa env e /bin/sh. Empregar Perl ten a vantaxe adicional de que é máis rápido.

Fish pode mesmo traballar con máquinas Windows®, se teñen instaladas ferramentas como Cygwin. Todas as ferramentas indicadas en riba deben estar na PATH do sistema, e o intérprete de ordes inicial debe ser capaz de procesar a orde echo FISH:;/bin/sh correctamente.